Sumqayıtda 5-ci mərtəbədən yıxılan uşağın SON VƏZİYYƏTİ

Sumqayıt şəhərində eyvandan yıxılan 10 yaşlı uşağın vəziyyəti ağırdır.

Bu barədə BAKU.WS-in Sumqayıt Tibb Mərkəzinin Uşaq Xəstəxanasından məlumat verilib.

Bildirilib ki, avqustun 9-da saat 12:30 radələrində Mərkəzin Uşaq Xəstəxanasına 2016-cı il oğlan hospitalizasiya olunub.

Döş qəfəsinin sınığı diaqnozu təyin edilən pasiyent Reanimasiya şöbəsinə yerləşdirilib. Müalicəsi davam etdirilən şəxsin vəziyyəti ağır qiymətləndirilir.

***11:43

Sumqayıtda eyvandan yıxılan 10 yaşlı uşaq sağ qalıb.

BAKU.WS "Report"a istinadən xəbər verir ki, hadisə şəhərin 2-ci mikrorayon ərazisində yerləşən doqquzmərtəbəli yaşayış binalarından birində baş verib.

2016-cı il təvəllüdlü Tunar Mahmud oğlu Yəhyayev ehtiyatsızlıq nəticəsində yaşadığı mənzilin 5-ci mərtəbəsindəki eyvanından yıxılıb.

Uşaq aldığı xəsarətlərlə xəstəxanaya yerləşdirilib.

Faktla bağlı araşdırma aparılır.