İstanbulda meymunçiçəyi TƏŞVİŞİ - FOTO

Türkiyənin İstanbul şəhərinin Sultanqazi bölgəsində aptekə gələn 2 Əfqanıstan vətəndaş əllərindəki yaraları göstərərək dərman istəyib. Əczaçı yaraların meymunçiçəyi ola biləcəyindən şübhələnib və aidiyyəti şəxslərə məlumat verib.

BAKU.WS "Haber Global"a istinadla xəbər verir ki, polis və tibb işçiləri aptekdən çıxan 2 əfqanı və yoldaşlarını təcili tibbi yardım maşını ilə xəstəxanaya çatdırıblar.

Meymunçiçəyi xəstəliyindən şübhəli bilinən 3 nəfər aparıldıqları xəstəxanada müayinədən keçirilib. Yaraların səbəbləri araşdırılır. Yaraların suçiçəyi səbəb ola biləcəyi ehtimalı da müzakirə edilir.