Şərur rayonunda ev yanıb - VİDEO

Fövqəladə Hallar Nazirliyinin “112” qaynar telefon xəttinə Şərur rayonu, Aşağı Aralıq kəndində yanğın baş verməsi barədə məlumat daxil olub.

Bu barədə BAKU.WS-ə FHN-dən bildirilib.

Dərhal əraziyə Şərur Rayon Yanğından Mühafizə Hissəsinin qüvvələri cəlb olunub.

Yanğınsöndürənlərin operativ müdaxiləsi sayəsində fərdi yaşayış evinin dam hissəsində baş vermiş yanğın genişlənməsinə, o cümlədən evin digər hissələrinə keçməsinə imkan verilmədən qısa müddətdə söndürülüb.

Yanğın nəticəsində ümumi sahəsi 195 m² olan evin damının yanar konstruksiyaları 54 m² sahədə yanıb.

Yanğın baş vermiş evin qalan hissəsi və yaxınlıqdakı tikili yanğından mühafizə olunub.