Sərxoş sürücü hərbçilərin olduğu qayığı Kürdə batırdı

Mingəçevir şəhərində Kür çayında gəzinti qayığı qəzaya uğrayıb.

BAKU.WS oxu.az-a istinadla xəbər verir ki, 1995-ci il təvəllüdlü Bayramov Fərid Valeh oğlunun idarə etdiyi “Amur” tipli kater aşıb.

Belə ki, sözügedən kater altı nəfərlik olsa da, sərxoş sürücü 11 nəfər mindirib. Nəticədə qayığa su dolub və çevrilib.

Daha sonra sərnişinlər xilas edilib, xəsarət alan olmayıb.

Katerdəki şəxslər arasında hərbçilər də olub.

Faktla bağlı araşdırma başlayıb.