Rayonlarda bundan hasar çəkirlər - Azərbaycanda kolbasadan dəmir çıxdı

Marketlərdən birindən alınan "Halal Zəhmət" firmasının kolbasadan dəmir parçası çıxıb.

BAKU.WS xəbər verir ki, bu barədə aparıcı Nübar Əbil sosial şəbəkə hesabında paylaşım edib.

"Rayonlarda bu kimi dəmir parçalarından hasar çəkirlər ki, mal-qara daxil olmasın bağçaya.

Kolbasada nə işə yarayır deyə bilərsiniz", - deyə aparıcının paylaşımında qeyd olub.

Şikayətçi isə öz növbəsində alıcılara xəbərdarlıq edib:

"Görün bizim kolbasalar hansı şəraitdə, necə iyrənc vəziyyətdə ərsəyə gəlir. Bu kolbasanın artıq yarısı yeyilib, bu məsələyə görə "Halal Zəhmət" firması heç məsuliyyət daşıyırmı kolbasanın içindən dəmir parçası çıxdı".

Hadisə ilə əlaqədar AQTA-nın mətbuat katibi İlkin Kərimov bildirib ki, yayılan görüntü AQTA tərəfindən nəzarətə götürüləcək.

"Məsələ qanunvericiliyə uyğun olaraq araşdırılacaq. Araşdırmaların nəticəsi barədə ətraflı məlumat veriləcək. İstehlakçılardan xahiş olunur ki, qida sahəsində hər hansı bir uyğunsuzluqla rastlaşdıqda araşdırılıb müvafiq tədbirlərin görülməsi üçün mütləq şəkildə AQTA-nın "1003" qaynar xəttinə məlumat versinlər".

Sözügedən kadrları təqdim edirik: