Qonşular çağırdı, FHN köməyə yetişdi - 33 yaşlı qadın belə xilas olundu - VİDEO

Mingəçevir şəhəri, H.Əliyev prospektində doqquzmərtəbəli binanın səkkizinci mərtəbəsində yerləşən mənzildə 1 nəfər qadının bağlı qapı arxasında köməksiz vəziyyətdə qaldığını görən qonşuları Fövqəladə Hallar Nazirliyinin “qaynar xətti”nə zəng edərək kömək istəyiblər.

BAKU.WS-in məlumatına görə, FHN-nin Aran Regional Mərkəzinin xilasediciləri dərhal həmin ünvana gəlib, xüsusi alət və avadanlıqlar vasitəsilə mənzilin giriş qapısını açaraq mənzilə daxil olublar.

Nəticədə 1989-cu il təvəllüdlü Hüseynova Ülviyyə Möhübbət qızı xilas edərək aidiyyəti üzrə təhvil verilib.

Sözügedən görüntüləri təqdim edirik: