PKK-nın yeni PLANI: Martın 20-də...

Türkiyədə yenidən terror aktı gözlənilir.

BAKU.WS Türkiyə mətbuatına istinadən xəbər verir ki, bu barədə xüsusi xidmət orqanlarındakı mənbə açıqlama verib. Mənbənin sözlərinə görə, PKK bayram ərəfəsində – martın 20-də Türkiyəni qan gölünə çevirməklə hədələyib. Bu məqsədlə terrorçuların istifadəsində 20-dən çox maşın olduğu bildirilir.

Türkiyənin xüsusi xidmət orqanları hazırda həmin avtomobilləri axtarır.

Mənbə qeyd edib ki, PKK-nın hədəfindədövlət binaları, hakim partiyanın ofisləri, səfirliklər, ticarət mərkəzləri, turizm obyektləri və kütləvi nəqliyyat vasitələridir.

Xatırladaq ki, son bir ayda Ankarada törədilən terror aktında 70-dən çox adam həlak olub, 200-ə yaxın şəxs yaralanıb.

BAKU.WS