Maşın bazarında oğru kameraya düşdü - VİDEO

Xətai rayonu, Babək prospektində yerləşən "maşın bazarı”nda yerləşən mağazaların birində oğurluq edilib. Hadisə nəticəsində sahibkara 300 manat dəyərində maddi zərər dəyib.

Bu barədə zərərçəkmiş özü "Bizim Yol”-a məlumat verib. Zərərçəkmiş sahibkar Elcan Musayev bildirir ki, 28.10.2016-ci il tarixində olan oğuluq faktı ilə bağlı polisə müraciət edib: "Oğurluq edən şəxsin əməlləri mağazanın müşahidə kamerasına düşüb. O satıcının başını qataraq avtomobil ehtiyyat hissələrini oğurlayıb. Həmin videogörüntünü polisə təqdim etdim”.

Zərərçəkmiş deyir ki, onun müraciəti Xətai rayon Polis İdarəsinin 34-cü Polis Bölməsində araşdırılacaq.

BAKU.WS