“Laçınım” mahnısına görə toyda dava düşdü

Mingəçevir şəhərində keçirilən toy mərasimində dava olub.

BAKU.WS Bizim.Media-ya istinadla xəbər verir ki, hadisə Samux küçəsində yerləşən “Altun” şadlıq sarayında keçirilən toy mərasimində baş verib.

Toyda “Laçınım” mahnısının ifaçılar tərəfindən yarımçıq saxlanılması münaqişəyə səbəb olub.

Toyda sərxoş vəziyyətdə olan iştirakçılardan biri ifaçıları söyüşlə təhqir edib. Nəticədə mübahisə və münaqişə yaranıb. Musiqiçilərdən biri - saz ifaçısı əl nayihəsindən kəsici alətlə kəsilmiş-deşilmiş yara xəsarətləri alıb.

Sonra şadlıq sarayı ərazisinə iki avtomobildə müxtəlif kəsici alətlərlə yaralı ifaçının yaxın adamları yetişiblər. Davanı məclis iştirakçıları yatırmağa çalışıblar.

Polisin hadisə yerinə çevik yetişməsi bəzi hadisə iştirakçılarını qaçmağa vadar etsə də, polis əməkdaşları yollarını kəsərək onları saxlayıblar. Toy sahibi də daxil olmaqla, münaqişə iştirakçıları polis şöbəsinə aparılıb.

Faktla bağlı araşdırma aparılır.