Hacıqabuldakı qəzada yaralananların bəzilərinin adları məlum olub - YENİLƏNİB - FOTO

Hacıqabul rayonu ərazisində ağır yol-nəqliyyat hadisəsi baş verib.

BAKU.WS “report”a istinadən xəbər verir ki, hadisə Bakı-Qazax magistral yolunun 395-ci kilometrliyində qeydə alınıb. Belə ki, iritutumlu sərnişin avtobusu ilə yük avtomobili toqquşub. Hadisə yerinə Şirvan, Hacıqabul və Sabirabad rayonlarının təcili yardım avtomobilləri cəlb edilib.

Qəza nəticəsində Ucar rayon sakini, 1966-cı il təvəllüdlü Niyazova Məhəbbət Niyaz qızı, Bərdə rayon sakinləri - 1961-ci il təvəllüdlü Quliyeva Rahilə Fərrux qızı, 1966-cı il təvəllüdlü Hüseynova Hökumə Mahmud qızı, Ağdam rayon sakini, 2001-ci il təvəllüdlü Qasımov Elnur Eldəniz oğlu və daha 8 nəfər xəsarət alıb.

Yaralılar Şirvan Şəhər Mərkəzi Xəstəxanasına yerləşdiriliblər. Digər yaralıların da şəxsiyyəti müəyyənləşdirilr.

Faktla bağlı araşdırma aparılır.

***17:11

Hacıqabulda sərnişin avtobusu qəzaya uğrayıb.

BAKU.WS APA-ya istinadən xəbər verir ki, hadisə Hacıqabul-Horadiz magistralının Hacıqabul rayonu ərazisindən keçən hissəsində qeydə alınıb. İri tutumlu sərnişin avtobusu asfaltbasan maşın və daşla dolu avtomobillə toqquşub.

Hadisə zamanı çoxlu yaralının olduğu bildirilir.

Qalereya