Gürcüstanda 7 azərbaycanlı gəncin öldüyü AĞIR QƏZA olub

Gürcüstanın azərbaycanlıların kompakt yaşadığı Qardabani bölgəsinin Birlik kəndində ağır yol-nəqliyyat hadisəsi baş verib.

BAKU.WS-in Gürcüstan KİV-ə istinadən məlumatına görə, yüksək sürətlə hərəkət edən BMW markalı avtomobil ağaca çırpılıb. Nəticədə 7 nəfər həyatını itirib, 1 nəfər isə ağır vəziyyətdə xəstəxanaya yerləşdirilib.

Məlumata əsasən, ölənlərin hamısı yerli azərbaycanlı gənclərdir. Onlardan ikisinin qardaş olduğu bildirilir.

Gürcüstan Daxili İşlər Nazirliyi faktı təsdiqləyib və hadisə ilə bağlı araşdırma başladıldığını açıqlayıb.

Qalereya