Gəncədə "VAZ" maşınları toqquşdu, avtomobillərdən biri yandı - FOTO

Gəncə şəhərində üç avtomobilin toqquşması nəticəsində avtomobillərdən biri yandı.

BAKU.WS-in bölgə müxbirinin verdiyi məlumata görə, hadisə şəhərin Gülüstan qəsəsəbəsində, Gəncə-Göygöl magistral avtomobil yolunda baş verib.

Əmrullayev Hicran Telman oğlunun idarə etdivi "VAZ 21-06" markalı avtomobil qarşı tərəfdən gələn Kazımov Səbuhi İkram oğlunun idarə etdiyi eyni markalı avtomobillə toqquşub, daha sonra isə Verdiyev Saleh Polad oğlunun idarə etdiyi "Toyota Camry" markallı avtomobillə toqquşub. Nəticədə maşınlardan biri alışıb.

Hadisə yerinə Gəncə şəhər Dövlət Yol Polisi əməkdaşları və Nizami rayon Yanğından Mühafizə İdarəsinin yanğınsöndürənləri cəlb edilib. Yanğınsöndürənlərin müdaxiləsi nəticəsində yanan avtomobil söndürülüb.

İlkin məlumata əsasən, hadisə nəticəsində xəsarət alan olmayıb.

Qalereya