Çində məktəb avtobusu izdihamın üzərinə çırpılıb: 11 nəfər ölüb

Çinin Şandun əyalətində məktəb avtobusunun izdihamın üzərinə düşməsi nəticəsində 5-i tələbə olmaqla azı 11 nəfər ölüb, çoxlu sayda insan yaralanıb.

BAKU.WS xarici mediaya istinadən xəbər verir ki, yaralılardan birinin vəziyyəti ağırdır.

Avtobusun Tai"an şəhərində bir məktəbin qapısı qarşısında gözləyən tələbələri və valideynləri vurduğu açıqlanıb. Dövlət mediası polisin hadisənin səbəbini araşdırarkən sürücünün idarəetməni itirdiyini və onun saxlanıldığını bildirib. Hadisənin qəsdən olub-olmadığı məlum deyil.