Lökbatanda sakinlər hər gün kanalizasiya sularından keçməli olurlar - VİDEO

Qaradağ rayonu, Lökbatan qəsəbəsi, 28 May kücəsində yaşayan sakinlər narazıdırlar.

Bu barədə məlumat BAKU.WS-in "qaynar xətti"nə daxil olub.

Bildirilib ki, sözügedən ünvanda kanalizasiya suları həyətyanı ərazilərə dolur. Nəticədə antisanitar vəziyyət ortaya çıxır. Bununla yanaşı kanalizasiya sularının daşması sakinlərin sağlamlığı üçün də ciddi təhlükə mənbəyidir.

Şikayətçinin sözlərinə görə, dəfələrlə bu barədə aidiyyatı qurumlara müraciət etsələr də məsələyə baxılmayıb.