Bir ailənin 5 üzvü dəm qazından zəhərləndi

Gəncədə bir ailə dəm qazından zəhərlənib.

BAKU.WS-in bölgə müxbirinin verdiyi məlumata görə, hadisə şəhərin Gülüstan qəsəbəsində qeydə alınıb.

1952-ci il təvəllüdlü Elxan Əliyev, 1980-ci il təvəllüdlü Kamal Əliyev, 1984-cü il təvəllüdlü X.Əliyev, 2008-ci il təvəllüdlü N.Əliyeva və 2007-ci il təvəllüdlü Z.Əliyev zəhərlənmə diaqnozu ilə xəstəxanaya yerləşdiriliblər.

Xəstələrə tibbi yardım göstərilib, vəziyyətləri normallaşıb. Daha sonra xəstələr evə buraxılıb.

İlkin məlumata görə, bir ailənin 5 üzvü yaşadığı evdə dəm qazından zəhərləniblər.

Hadisə ilə bağlı araşdırma başlanılıb.

Qeyd edək ki, bir neçə gün bundan əvvəl də Gəncədə bir ailənin 6 üzvü dəm qazından zəhərlənmişdi.