Balakəndə sel: 400-dən çox ev su altında qaldı

Balakən rayonunun İtitala kəndində yağan güclü yağışlar sakinləri üçün ciddi çətinliklər yaradıb.

Baku TV-nin məlumatına görə, sel suları kəndin bir çox ərazisinə ziyan vuraraq insanların gündəlik həyatını iflic edib. Məlumata əsasən, kənddə 400-dən çox evin həyəti və zirzəmisi su altında qalıb.

Sakinlərdən biri bildirib ki, yaranmış problemlə bağlı kömək gözləyirlər: "Heç kim gəlmir, kömək etmir, nə edək?"

Kənd sakinləri ərazidə yaranan vəziyyətin aradan qaldırılması üçün aidiyyəti qurumların dəstəyinə ehtiyac olduğunu bildirirlər.