Bakıda yaşayış binasında elektrik "şiti" partlayıb, sakinlər təxliyə edilib

Bakıda yaşayış binasında yanğın təhlükəsi yaranıb.

BAKU.WS-in "qaynar xətti"nə daxil olan məlumata görə, hadisə S.S.Axundov küçəsi, bina 4, blok 36 ünvanında qeydə alınıb. Bildirilir ki, elektrik şiti yüklənmədən yanıb və partlayıb. Nəticədə güclü tüstülənmə və yanğın təhlükəsi yaranıb.

Hadisə zamanı sakinlər təxliyə olunmaqda çətinlik çəkiblər. Yalnız Fövqəladə Hallar Nazirliyinin əməkdaşları əraziyə gəldikdən sonra vəziyyət nəzarətə alınıb.

Sakinlərin sözlərinə görə, şitdə əlavə müdaxilələrə görə yüklənmə olub və bu səbəbdən partlayış baş verib. Onlar bildiriblər ki, daha əvvəl də oxşar problem yaşanıb, lakin şikayətlərə baxılmayıb.

Sakinlər aidiyyəti qurumlardan məsələyə diqqət ayırmağı, normal elektrik şiti quraşdırmağı və əlavə qoşulmaların qarşısını almağı tələb edirlər.

Qalereya

Şahanə Xankişiyeva