Bakıda MTK gecə saat ikidə xəstəxana yaxınlığında tikinti aparır - VİDEO

Gecə saat 02 radələrində Kliniki Tibbi Mərkəzin Toksikologiya şöbəsinin yanında MTK-lardan birinin tikinti işləri aparması barədə sosial şəbəkələrdə video yayılıb.

İddia edilib ki, xəstəxananın içini toz və səs-küy bürüyüb.

BAKU.WS oxu.az-a istinadən xəbər verir ki, “Anima MMC” şirkətlər qrupuna məxsus texnikalar burada bünövrə qazıb və bərkitmə işləri aparıb.

Hadisə ilə bağlı Nəsimi Rayon İcra Hakimiyyətindən bildirilib ki, qurum tərəfindən sözügedən MTK-ya sanitar-gigiyenik qaydalara, tikinti normalarına riayət olunması, qonşu ərazilərdə yaşayan sakinlərin rifah halının qorunması məqsədilə xəbərdarlıq olunub.