Bakıda iki avtomobil toqquşub, xəsarət alan var - FOTO

Bakının Səbail rayonunda baş verən yol-nəqliyyat hadisəsi zamanı bir nəfər xəsarət alıb.

BAKU.WS apa-ya istinadən xəbər verir ki, qəza Badamdar qəsəbəsində yerləşən “Qurd qapısı” dairəsi kimi tanınan ərazidə qeydə alınıb.

Belə ki, yolayrıcında iki “Toyota” markalı avtomobilin toqquşması zamanı sərnişin xəsarət alıb. Sürücülər bir-birini işıqforun qırmızı işığından keçməkdə günahlandırıblar. Qəza nəticəsində avtomobillərdən biri yararsız hala düşüb.

Hadisənin səbəbi aparılan araşdırmadan sonra bilinəcək.

Faktı Səbail Rayon Polis İdarəsinin əməkdaşları araşdırır.

Qalereya