Bakıda güclü külək yük avtomobilini aşırıb - VİDEO

Bakıda güclü külək yolda hərəkət edən yük avtomobilini aşırıb.

Bu barədə hadisə şahidləri BAKU.WS-in "qaynar xətt"inə məlumat veriblər. Bildirilib ki, hadisə Səbail rayonu ərazisində qeydə alınıb.

Qeyd edək ki, Fövqəladə Hallar Nazirliyi güclü küləklə bağlı xəbərdarlıq edib.

Təhlükələrdən qorunmaq üçün diqqətli davranaraq yüngül konstruksiyalı və müvəqqəti tikililərdən, bina və reklam lövhələrindən uzaq durmaq, elektrik dirəyi və naqillərinin, hündür ağacların altında dayanmamaq tövsiyə olunur.

Həmçinin, güclü külək zamanı baş verən yanğınların söndürülməsi mürəkkəbləşdiyindən yanğın təhlükəsizliyi qaydalarına ciddi riayət edilməlidir.