Bakıda bu binada mənzilə qalxmaq üçün qanad lazımdır - Pilləkənləri söküblər, lift də işləmir - FOTO

Paytaxtın Səbail rayonu, Zərifə Əliyeva 59 ünvanında yaşayan sakinlər narazıdırlar.

Bu barədə məlumat BAKU.WS-in "qaynar xətti"nə daxil olub.

Bildirilib ki, sözügedən binada 7 aydır ki, təmir gedir. Bu səbəbdən də binanın pilləkənlərini söküblər. Lakin eyni zamanda lift də işləmir. İndi də sakinlər yuxarı mərtəbələrdəki mənzillərinə qalxa bilmirlər:

"Belə bir mənzərə yaranıb. Evə qalxmaq üçün qanad olmalıdır. 7 aydır təmir gedir, binanın dəhlizində pilləkəni söküb yerə qoyublar. Lifti də xarab ediblər ve deyirlər ki, "düzələcək də, nə olub ki?"

Qalereya