Bakı Dövlət Universitetində yanğın olub - RƏSMİ AÇIQLAMA - VİDEO

Bakı Dövlət Universitetində yanğın olub.

BAKU.WS-in xəbərinə görə, bu barədə görüntülər sosial şəbəkələrdə paylaşılıb.

Məlumata görə, hadisə universtetin 2-ci korpusunda baş verib.

Fövqəladə Hallar nazirliyindən BAKU.WS-in sorğusuna cavab olaraq bildirilib ki, "112" qaynar telefon xəttinə Bakı Dövlət Universitetində yanğın baş verməsi barədə məlumat daxil olub.

Məlumatla əlaqədar FHN-in Dövlət Yanğından Mühafizə Xidmətinin qüvvələri dərhal əraziyə cəlb olunub.

Hadisə yerində əməliyyat şəraitinin ilkin qiymətləndirilməsi zamanı BDU-nun təmirdə olan ikinci korpusunun zirzəmisində 4 kavdratmetr sahədə məişət tullantılarının yandığı müəyyən edilib.

Yanğınsöndürənlər tərəfindən həyata keçirilmiş operativ tədbirlər sayəsində yanğın genişlənməsinə imkan verilmədən qısa müddətdə söndürülüb.