Bakıda sürət yarışına çıxan maşınların dəhşətli qəzasından görüntülər (VİDEO)

Bakının Səbail rayonunda dəhşətli yol nəqliyyat hadisəsi baş verib. 

BAKU.WS-in məlumatına görə, Səbail rayonun Xəqani küçəsində sürətlə hərəkətdə olan "BMW” markalı avtomobilin sürücüsü idarəetməni itirərək yolun kənarında hərəkətsiz dayanan 6 avtomobilə çırpılıb. Daha sonra həmin avtomobil yolun kənarındakı işıq dirəyinə dəyərək dayana bilib. Hadisə şahidlərinin dediyinə görə sürət yüksək olduğundan toqquşmadan sonra "BMW” işıq dirəyinin yuxarı hissəsinə kimi qalxıb və bundan sonra dirək aşıb.

Gözlənilməz qəza yol kənarında olan 7 piyadanın xəsarət almasına səbəb olub. Həkimlərin verdiyi məlumata görə 7 nəfrədən 3-nün vəziyyəti orta ağırdır. Verilən məlumata görə, hadisəni törədən "BMW” eyni markalı avtomobil ilə sürət yarışına çıxıb və qəza da bu zaman baş verib.

Şahin Həbibov

BAKU.WS