Bakıda ailəsi ilə dalaşan kişi özünü 9-cu mərtəbədən atdı (FOTO)

Xırdalan şəhərində intihar hadisəsi baş verib.

BAKU.WS APA-ya istinadən xəbər verir ki, şəhərin Heydər Əliyev prospektində yerləşən çoxmərtəbəli binanın 9 -cu mərtəbəsindən kişi özünü yerə atıb. O, zərbədən dünyasını dəyişib.

Hadisə yerinə Abşeron Rayon Polis İdarəsinin və rayon Prokurorluğunun əməkdaşları cəlb edilib. İlkin araşdırma zamanı məlum olub ki, intihar edən şəxs binanın 9-cu mərtəbəsində yaşayan Hacıyev Cavid Mobil oğludur.

Meyit müayinə olunması üçün Respublika Məhkəmə Tibb Ekspertizası və Patoloji Anatomiya Birliyinə göndərilib.

31 yaşlı Cavid Hacıyev özünü pəncərəsindən atdığı mənzildə ailəsi ilə yaşayıb. Gənc ailənin azyaşlı qızı var. Qonşular Cavid Hacıyevi sakit xarakterli şəxs kimi tanıyır. Bir neçə gündür ki, onun həyat yoldaşı və qızı harasa gedib və Cavid Hacıyev mənzildə tək yaşayıb. Mayın 30-u gecə saatlarında evə gələn Cavid Hacıyev üzərindəki qızıl əşyaları, saatını və pulunu evə qoyaraq, özünü pəncərədən atıb.

İntiharın hansı səbəbdən baş verdiyi məlum deyil. İlkin ehtimala görə, Cavid Hacıyev ailəsində yaranmış münaqişə üzündən intihar edib.

Faktla bağlı Abşeron Rayon Prokurorluğunda Cinayət Məcəlləsinin 125-ci ("Özünü öldürmə həddinə çatdırma") maddəsi ilə cinayət işi başlanılıb, araşdırma aparılır.

BAKU.WS