Bakı metrosunda polisi döydülər

Bakı Metropoliteninin "28 May" stansiyasında sərxoş sərnişinlə polis əməkdaşı arasında insident baş verib. BAKU.WS-in "Report" saytına istinadən verdiyi məlumata görə, Bakı sakini, 1982-ci il təvəllüdlü İnqilab Bədəlov sərxoş halda metroda gediş qaydalarını pozub və xidmətdə olan polis serjantı, 1984-cü il təvəllüdlü Elçin Xalıqovun qanunu tələblərinə məhəl qoymayıb. Sərxoş sərnişin polis əməkdaşını nalayiq söyüşlərlə təhqir edib. Bundan sonra, İ.Bədəlov E.Xalıqovun sifətinə yumruqla vuraraq ona xəsarət yetirib. Faktla bağlı Nəsimi Rayon Prokurorluğunda araşdırma aparılır. BAKU.WS