Azərbaycanda daha bir məmurun intihar xəbəri yayıldı

Sosial şəbəkələrdə Masallı rayon icra başçısının köməkçisi Elşən Sadıqovun intihar etməsi xəbəri yayılıb.

BAKU.WS-in məlumatına görə, onun dünyasını dəyişdiyi yazılıb. Bildirilir ki, o, özünü öldürüb. Məsələ ilə əlaqədar Masallı rayon İcra Hakimiyyətilə əlaqə saxladıq. Qurumdan BAKU.WS-ə bildirdilər ki, həqiqətən də Elşən Sadıqov vəfat edib. "E.Sadıqov dekabrın 28-dən 29-na keçən gecə yaşadığı mənzildə vəfat edib. Bu barədə məlumat almışıq. Mərhumun atası bildirib ki, Elşən Sadıqov ürək tutmasından dünyasını dəyişib", - deyə qurumdan bildirilib. Lakin onun intihar etməsi ilə əlaqədar məlumatın həqiqətə uyğun olmadığı vurğulanıb. Ziya Babayev BAKU.WS