Azərbaycanlı tanınmış şair Londonda xəstəxanada vəfat etdi

Tanınmış jurnalist, şair, tərcüməçi Zülfüqar Rüfətoğlu Londonda müalicə aldığı xəstəxanada dünyasını dəyişib.

BAKU.WS xəbər verir ki, bu barədə APA-ya şairin qardaşı, Azərbaycan Dövlət Kukla Teatrının direktoru Rəşad Əhmədzadə deyib.

Qeyd edək ki, Z.Rüfətoğlu uzun müddətdir qaraciyər xərçəngindən əziyyət çəkirdi.

Xatırladaq ki, Əhmədzadə Zülfüqar Rüfət oğlu 1958-ci ildə Bakıda anadan olub. "Şirbalanın məhəbbəti" filminin ssenari müəllifi, "Səhər" qəzetinin təsisçilərindən biri, "Mavigözlü ögey ana" kitabının müəllifi, "Qızıl qələm" mükafatı laureatıdır.

Uzun illər "BBC Azərbaycan" xidmətində fəaliyyət göstərib.

***

Tanınmış şair Zülfüqar Rüfətoğlu vəfat edib.

BAKU.WS xəbər verir ki, bu barədə APA məlumat yayıb.

Mərhumun qardaşı, Azərbaycan Dövlət Kukla Teatrının direktoru Rəşad Əhmədzadə onun öldüyünü bildirib.