Əməkdar artist Mövsüm Hüseynov dəfn olunub

Sumqayıt Dövlət Dram Teatrının aktyoru, Əməkdar artist Mövsüm Hüseynov dəfn olunub.

BAKU.WS APA-ya istinadən xəbər verir ki, mərhumla Sumqayıt şəhərindəki evində vida mərasimi keçirilib.

Mərasimdə sənətçinin ailə üzvləri, yaxınları, sənət dostları iştirak ediblər.

Aktyor Sumqayıt şəhər qəbiristanlığına dəfn olunub.

*** 09:45

Əməkdar artist Mövsüm Hüseynov vəfat edib.

BAKU.WS xəbər verir ki, bu barədə report-a Sumqayıt Dövlət Dram Teatrından məlumat verilib.

Bildirilib ki, o uzun sürən xəstəlikdən sonra dünyasını dəyişib.

Qeyd edək ki, Mövsüm Hüseynov 1958-ci il iyun ayının 13-də Laçın rayonunda anadan olub.

Aktyor Sumqayıt Dövlət Musiqili Dram Teatrında, Azərbaycan Dövlət Musiqili Komediya Teatrında və Bakı Bələdiyyə Teatrında çalışıb.

O, 16 oktyabr 2018-ci ildə Azərbaycanın əməkdar artisti fəxri adına layiq görülüb.