Azərbaycanda şair 92 yaşında vəfat etdi

Tanınmış şair-publisist Soltan Abbas 92 yaşında vəfat edib.

BAKU.WS report-a istindən xəbər verir ki, bu gün Neftçala rayonunun Ballıca kəndində yaşadığı evdə dünyasını dəyişən mərhum kənd qəbiristanlığında torpağa tapşırılıb.

Qeyd edək ki, Soltan İsrafil oğlu Abbasov 1933-cü il yanvarın 7-də anadan olub. Bədii yaradıcılığa 1960-cı ildən başlayıb. 1985-ci ildən Azərbaycan yazıçılar Birliyinin üzvü olan Soltan Abbas "Damcı", "Mənə çox öyrəşmə", "Tut ağacı", "Yollar-ömür yolum", "Səyyah etdi söz məni", "Nakam ömrün yaşıl anları", "Ömrü yaşadan sözlər" və s. kitabların müəllifidir.

1994-cü ildə "Məmməd Araz" ali ədəbi mükafatına layiq görülüb.