Azərbaycanda qaçırılan 14 yaşlı qızla bağlı CİNAYƏT İŞİ AÇILDI - VİDEO - YENİLƏNİB

Beyləqan rayonu Qaralılar kəndindən qaçırılan 14 yaşlı məktəbli qızla bağlı cinayət işi açılıb.

Bu barədə BAKU.WS-ə DİN-in mətbuat xidmətindən bildirilib.

Bildirilib ki, faktla əlaqədar Cinayət Məcəlləsinin 144.2.3-cü maddəsi ilə (Adam oğurluğu - bir qrup şəxs, qabaqcadan əlbir olan bir qrup şəxs tərəfindən törədildikdə) cinayət işi başlanılıb.

Qeyd edək ki, 2 gün öncə - 8 oktyabr tarixində rayon polis şöbəsi əməkdaşların həyata keçirdiyi müvafiq tədbirlərlə şərti adı A.A olan qızın qaçırıldığı istiqamət müəyyən olunaraq avtomobil saxlanılıb.

***08:45

Beyləqanda 14 yaşlı şagird məktəbdən evə qayıdarkən qaçırılıb.

BAKU.WS xəbər verir ki, hadisə Beyləqan rayonunun Qaralılar kəndində qeydə aınıb.

2008-ci il təvəllüdlü qızın anası iddia edir ki, övladı həmkəndlisi tərəfindən evlənmək məqsədilə zorla qaçırılıb.

Onun sözlərinə görə, hadisə 2 gün əvvəl günorta saatlarında orta məktəbin yaxınlığında baş verib.

Hadisəni eşidən kimi qızın yaxınları dərhal polisə məlumat veriblər.

DİN-in mətbuat xidmətinin Bərdə regional qrupunun baş inspektoru Aslan Qiyaslı "Xəzər Xəbər"ə bildirib ki, əməliyyat tədbirləri nəticəsində qaçırılan qız tapılıb.

Hazırda hadisənin təfərrüatları araşdırılır.