Azərbaycanda İcra Hakimiyyətinin binasında əməliyyat: Müavinlər saxlanılıb - YENİLƏNİB

Baş Prokurorluğun Mətbuat xidməti Abşeron Rayon İcra Hakimiyyətinin binasında aparılan xüsusi əməliyyat barədə məlumatı təsdiqləyib.

BAKU.WS-in virtualaz.org-a istinadən məlumatına görə, əməliyyatın nəticəsi barədə ictimaiyyətə ətraflı məlumat veriləcək.

12:23:14

Abşeron Rayon İcra Hakimiyyətində əməliyyat keçirilir.

BAKU.WS xəbər verir ki, jurnalist Eynulla Fətullayevin verdiyi məlumatda binada Baş prokuror yanında Korrupsiyaya qarşı Mübarizə Baş İdarəsinin əməkdaşlarının əməliyyat keçirdiyi bildirilir.

O bildirib ki, icra başçısının müavinlərinın hamısı saxlanılıb.

Qeyd edək ki, Abşeronun icra başçısı Gülməmmədova İradə Akif qızıdır. Onun I müavini Həsənov Məhəmməd, müavinləri isə Cəbrayılov Fuad və Quluyev İlhamdır.

İ.Gülməmmədova 2015-ci ildən Abşeron Rayon İcra Hakimiyyətinin başçısıdır.