Avtoşluq edərək qəza törədən sürücü ilə bağlı RƏSMİ AÇIQLAMA - FOTO/VİDEO

Xəbər verdiyimiz kimi, sosial şəbəkələrdə təhlükəli manevr edən sürücününü qəza törətməsi ilə bağlı görüntülər yayılıb.

BAKU.WS-in xəbərinə görə, sözügedən görüntülərdə 99-SF-327 dövlət qeydiyyat nişanlı VAZ-2107 markalı avtomobilin sürücüsünün avtoxuliqanlıq etdiyi açıq-aşkar görünür.

Daxili İşlər Nazirliyinin (DİN) Baş Dövlət Yol Polisi İdarəsinin (BDYPİ) inspektoru, polis leytenantı Elvin Hacıyev BAKU.WS-in sorğusuna cavab olaraq bildirib ki, faktla bağlı araşdırma aparılır.

"Bu kimi audiovizual materialların sosial şəbəkə seqmentlərində, internet platformalarında yayılması sözsüz ki, tərəfimizdən pislənir. Eyni zamanda belə hallar sürücü intiizamsızlığının bariz nümunəsi olmaqla yanaşı, böyüyən gənc nəsilə də çox pis örnəkdir. Dövlət Yol Polisi belə halla rastlaşdıqda, eyni zamanda ictimaiyyət və media nümayəndələri tərəfindən də, belə faktlar təqdim olunduqda, tərəfimizdən müvafiq araşdırma aparılır və qanuna müvafiq tədbirlər görülür", - qurum rəsmisi bildirib.