Antalyada 4,8 bal gücündə zəlzələ oldu

Cümə günü axşam saatlarında Türkiyənin Antalya şəhərinin Qazipaşa rayonunda 4,8 bal gücündə zəlzələ baş verib.

BAKU.WS xəbər verir ki, bu barədə Türkiyənin Aralıq dənizi vilayətinin qubernatorluğu açıqlama verib.

Zəlzələ yerli vaxtla saat 22:13-də qeydə alınıb. Türkiyə Fövqəladə Hallar Departamentinin verdiyi məlumata əsasən, yeraltı təkanlar 34 km dərinlikdə meydana gəlib. Zəlzələ nəticəsində otellərdəki turistlər və yerli sakinlər binalardan küçələrə axışıb.