Ağstafa sakinləri gecə vaxtı dəhşət yaşadılar: "Belə şey görməmişəm"

Güclü yağışlar Ağstafa rayonunun Köçvəlili kəndində bir sıra fəsadlar törədib.

Baku TV-nin məlumatına görə, yaşayış evləri su altında qalıb, təsərrüfatlara ciddi ziyan dəyib. Sakinlərin sözlərinə görə, gecə saatlarında başlayan intensiv yağıntı səhərədək davam edib.

"Zirzəmimiz suyun içindədir. Toyuq-cücənin hamısı boğulub. Bu yaşıma qədər belə şey görməmişəm", - deyə zərərçəkənlərdən biri bildirib.

Əraziyə Fövqəladə Hallar Nazirliyinin (FHN) canlı qüvvəsi və xüsusi texnikası cəlb edilib. Hazırda sel sularının çəkilməsi və alternativ istiqamətə yönləndirilməsi istiqamətində işlər aparılır.