AQTA: “Bakıda tələbələrin zəhərlənməsi ilə bağlı yayılan məlumat yalandır” - YENİLƏNİB
![AQTA: “Bakıda tələbələrin zəhərlənməsi ilə bağlı yayılan məlumat yalandır” - YENİLƏNİB](https://baku.ws/storage/photos/thumbs/large/1656052521_foto-126.webp)
Bakı şəhəri, Nərimanov rayonu Təbriz küçəsində yerləşən Dəmir yolu və Metropoliten üzrə Bakı Dövlət Peşə Təhsil Mərkəzinin 2 tələbəsi - Balayev İslam Oruc oğlu və İmanov Bahadur Muradxan oğlunun kolbasa məhsulundan zəhərlənməsi ilə bağlı bəzi xəbər saytlarında yayılmış məlumatlarda göstərilən fakt təsdiqini tapmayıb.
BAKU.WS xəbər verir ki, bu barədə Report-a Azərbaycan Qida Təhlükəsizliyi Agentliyindən məlumat verilib.
Qeyd olunub ki, adıçəkilən şəxslər ötən gün 2 saylı Kliniki Uşaq Xəstəxanasına müraciət ediblər: "Daxil olan xəstələrə ilkin tibbi yardım göstərilib, qida zəhərlənməsi diaqnozu təsdiqini tapmayıb. Onlara “kəskin qastrit” diaqnozu qoyulub və həmin şəxslərin vəziyyətləri qənaətbəxş olduğu üçün qısa müddət ərzində evə buraxılıblar".
AQTA bir daha bildirir ki, zəhərlənmə halları ilə bağlı vətəndaşlar və media qurumları yalnız aidiyyəti dövlət orqanları tərəfindən təsdiqlənmiş rəsmi məlumatlara etibar etməlidirlər.
***10:34
Bakı şəhəri, Nərimanov rayonu Təbriz küçəsində yerləşən Dəmir yolu və Metropoliten üzrə Bakı Dövlət Peşə Təhsil Mərkəzinin tələbələri zəhərlənmə diaqnozu ilə xəstəxanaya aparılıb.
BAKU.WS Qafqazinfo-ya istinadla xəbər verir ki, hadisə dünən günorta saatlarında baş verib. Təhsil Mərkəzinin 2 tələbəsi - 17 yaşlı İslam Balayev və Bahadur İmanov qidadan zəhərlənmə diaqnozu ilə xəstəxanaya müraciət edib. Onlara tibbi yardım göstərilib.
İlkin araşdırmalar zamanı tələbələrin kolbasadan zəhərlənməsi üzə çıxıb.
Faktla bağlı araşdırma aparılır.
Oxşar xəbərlər
AQTA: “Goranboyda üç nəfər çiyələkdən zəhərlənməyib”
Goranboyda üç nəfərin çiyələkdən zəhərlənməsi ilə bağlı yayılan məlumat təsdiqini tapmayıb BAKU.WS "Report"a istinadən xəbər verir ki, bu barədə AQTA-dan bildir...