Bərdə bazarında baş verən yanğın nəticəsində nə qədər ərazi yanıb? - AÇIQLAMA
![Bərdə bazarında baş verən yanğın nəticəsində nə qədər ərazi yanıb? - AÇIQLAMA](https://baku.ws/storage/photos/thumbs/large/1622013980_60adf4cf4022760adf4cf40228162201313536db3ca264996bc870246f52c70c1881.webp)
Bərdədə bazarda baş verən yanğın təxminən 5 min kvadratmetr ərazini əhatə edib. Hadisə nəticəsində 2100 kvadratmetr ərazi yanıb.
BAKU.WS xəbər verir ki, bunu APA-nın yürli bürosuna açıqlamasında Tərtər Yanğından Mühafizə Hissəsinin rəisi, polkovnik Mübariz Əliyev deyib.
Onun sözlərinə görə, bu gün səhər 07:14 radələrində Bərdə Yanğın Mühafizə Hissəsinin “Qaynar xətt”inə rayonun Güloğlular kəndindəki bazar ərazisində yanğın baş verməsi ilə bağlı məlumat daxil olub. Məlumat daxil olan kimi Bərdə Yanğından Mühafizə Hissəsinin 2 yanğınsöndürən avtomobili şəxsi heyətlə birgə hadisə yerinə çatıb.
Hadisə yeri qiymətləndirilərək yanğın böyük olduğundan 2 saylı çağırış elan olunub. Çağırışla Bərdədən 5 yanğınsöndürən avtomobil, həmçinin Tərtər, Yevlax və Ağdamdan hər biri 1 yanğınsöndürən maşın şəxsi heyətlə birlikdə hadisə yerinə gəlib. Yanğın həddən artıq böyük olduğundan 9 yanğınsöndürən avtomobil, 50-dən çox şəxsi heyət cəlb olunub.
M.Əliyev bildirib ki, yanğın 09:11 radələrində tam söndürülüb. Yanğın olan ərazidəki obyektlər çiy kərpicdən olduğundan və binanın dam örtüyü bağlı olduğundan yanğının söndürülməsində çətinlik olub. Hadisə zamanı ölən və xəsarət alan olmayıb.
Oxşar xəbərlər
Bərdədə bazarda baş verən güclü yanğın söndürüldü - YENİLƏNİB - VİDEO
Xəbər verildiyi kimi, 26 may 2021-ci il tarixində Fövqəladə Hallar Nazirliyinin "112" qaynar telefon xəttinə Bərdə rayonunun Güloğlular kəndində bazar ərazisind...