Ərzaq məhsulları qiymətlərinin süni artımının qarşısı alınacaq

"Ərzaq məhsullarının tədarükü və təchizatı” ASC Azərbaycan bazarlarında ərzaq məhsulları qiymətlərinin süni artımının qarşısının alınması üçün müdaxilələr həyata keçirəcək.

Trend-in məlumatına görə, bu sözləri şirkətin nümayəndəsi Xaliq Məmmədov deyib.

X.Məmmədov bildirib: "Biz dövlət ehtiyat ərzaq fondları yaradacağıq. Əgər bazarlarda məhsulların qiymətinin süni şəkildə artımını müşahidə etsək, müdaxilələr həyata keçirəcəyik. Yəni məhsulları bazara daxil edərək təklifi artıracağıq və bu yolla qiymətlər aşağı düşəcək”.

BAKU.WS