Milli Depozit Mərkəzi könüllü tibbi sığorta üzrə şirkət seçir

Milli Depozit Mərkəzi (MDM) əməkdaşları və onların ailə üzvləri üçün könüllü tibbi sığorta xidmətinin satınalınması məqsədilə açıq tender elan edib.

"Report" xəbər verir ki, tenderdə iştirak haqqı 150,88 manatdır.

Maraqlananlar təkliflərini 24 dekabr, saat 10:00-a qədər Bakı şəhəri, Həsən bəy Zərdabi prospekti, 2A ünvanına təqdim edə bilərlər. Təkliflər həmin gün, saat 10:00-da qeyd olunan ünvanda açılacaq.

Satınalma çərçivəsində 3 əməkdaş və onların 3 ailə üzvü üçün VIP tibbi sığorta (minimum 10 000 manat), 79 əməkdaş və onların 53 ailə üzvü üçün standart tibbi sığorta paketi (minimum 5 000 manat) nəzərdə tutulur.

Qeyd edək ki, hazırda MDM-in əməkdaşlarına könüllü tibbi sığorta xidmətləri "Meqa Sığorta" ASC tərəfindən göstərilir. Müqavilənin dəyəri 24,24 min manat təşkil edir.