FES uçot dərəcəsini dəyişmədi: dollar ucuzlaşır

ABŞ-ın Federal Ehtiyatlar Sisteminin (FES) iki günlük iclasına yekun vurulub.

BAKU.WS xəbər verir ki, FES-in qərarına əsasən uçot dərəcəsi dəyişməyib. Qərardan sonra dollar sürətlə ucuzlaşmağa başlayıb. Paralel olaraq, neft bahalaşmaqdadır.

Toplantıdan sonar açıqlama verən FES sədri Canet Yellen deyib ki, qlobal iqtisadi proseslər hələ də böyük risk təşkil edir.

"FES pul siyasətini iqtisadi vəziyyətə görə dəyişə bilər. İqtisadiyyat pilləli faiz artımı ilə birlikdə inkişafa davam edəcək. İnflasiyanın 2 faiz həcmində olacağına ümid edirik. Avro bölgəsindəki göstəricilər zəif artıma işarə edir. Bəzi bazarlarda isə aşağı faizli inkişaf müşahidə edilir”, - Cennet əlavə edib.