Dünya bazarında qızılın son vəziyyəti

2026-cı il aprelin ortalarında qlobal Qızıl bazarında kəskin dalğalanmalar müşahidə olunur.

Son məlumatlara görə, mart ayında qızılın unsiyası rekord həddə – təxminən 5300–5600 dollar intervalına qədər yüksəlsə də, daha sonra qiymətlər enişə keçərək 4500 dollar ətrafına qədər geriləyib.

BAKU.WS xəbər verir ki, aprelin əvvəlində isə bazarda yenidən artım qeydə alınıb və bəzi birjalarda qiymətlər 7900 dollara yaxın səviyyədə ticarət olunub.

Ekspertlər qiymət dəyişkənliyini bir neçə amillə izah edir:

-ABŞ dollarının möhkəmlənməsi

yüksək faiz dərəcələri

-Yaxın Şərqdə artan gərginlik

investorların riskdən qaçaraq "təhlükəsiz aktivlərə" yönəlməsi

Eyni zamanda, bəzi regionlarda bazara əlavə qızıl çıxarılması təklifin artmasına və qiymətlərin müvəqqəti ucuzlaşmasına səbəb olub.

Hazırkı vəziyyət göstərir ki, qızıl bazarı yüksək volatillik mərhələsindədir. Analitiklər yaxın dövrdə qiymətlərin həm artım, həm də eniş istiqamətində dəyişə biləcəyini istisna etmir.