Dollarla bağlı gərgin vəziyyət: banklarda tələbat kəskin artdı

Bu gün Azərbaycan Dövlət Neft Fondu (ARDNF) tərəfindən 50 mln. ABŞ dolları məbləğində vəsait hərraca çıxarılıb.

Fonddan BAKU.WS-ə verilən məlumata görə, bu vəsait 23 kommersiya bankına satılıb.

"Report"un bank dairələrindən aldığı digər xəbərə görə, bugünkü hərracda dollar kütləsinə kommersiya banklarının real tələbatı faktiki təklifi 4,4 dəfə üstələyərək 220 mln. dollara çatıb. Bu səbəbdən sabahkı rəsmi məzənnənin bir qədər də yüksəlməsi gözlənilir.

Xatırladaq ki, ABŞ dollarının bu günə rəsmi məzənnəsi 1,5024 AZN/USD təşkil edib.

BAKU.WS