Bitkoin aprel ayından bəri ən aşağı səviyyəyə düşüb

Bitkoinin qiyməti qlobal makroiqtisadi qeyri-müəyyənliklər fonunda kəskin ucuzlaşıb. Kriptovalyutanın dəyəri 90 min dollar həddini aşaraq aprel ayından bəri ən aşağı səviyyəyə enib.

BAKU.WS xəbər verir ki, Coinmarketcap-in məlumatına görə, son 24 saat ərzində dünya kriptovalyuta bazarının ümumi dəyəri 4,8% azalaraq 3 trilyon 80 milyard dollara düşüb. Bazar dəyərinə görə ən böyük kriptovalyuta olan Bitkoin isə 5,9%-dən çox dəyər itirərək 89 623 dollaradək geriləyib. Bir həftəlik azalma 15,3% təşkil edir.

Qeyd edək ki, Bitkoin 2025-ci ilin aprelində ABŞ Prezidenti Donald Trampın gömrük rüsumları ilə bağlı açıqlamalarından sonra 74 400 dollara qədər enmişdi.