Azərbaycanlı milyarder Mübariz Mənsimov 1,3 milyardlıq vergidən yayınmada günahlandırılır

Azərbaycan əsilli iş adamı Mübariz Mənsimova qarşı vergidən yayınma maddəsi ilə cinayət işi açılıb.

BAKU.WS-in məlumatına görə, iş adamının sahib olduğu "Palmali Holdinq" yükdaşıma şirkətinə Rusiyada vergi yayındığı iddiası açılıb. Şirkət 1,3 milyard rubl vergidən yayınmaqda günahlandırılır.

Rusiyanın Rostov-na-Donu vilayətində vergidən yayındığı iddiasıyla "Palmali Holdinq" məhkəməyə verilib. Şirkət, qazancının az olduğunu göstərərək ödənməsi lazım olan 1,3 milyard rublu ödəməyib.

Xəbərə görə prokurorlar, şirkət rəhbərinin 2010 və 2011-ci illərdə gəlir bəyannaməsində dəyişiklik etdiyini iddia edir. Gəlir nisbətini vergi dairəsinə səhv bildirən şirkətin, beləliklə 2010-ci ildə 881 milyon rubl, 2011-ci ildə isə 401 milyon rubl az vergi ödədiyi iddia edilir.

Şirkətin Rusiyada Volqoqrad, Həştərxan, Novorossiysk, Moskva və Sankt-Peterburq şəhərlərində və digər ölkələrdə nümayəndəlikləri var.

BAKU.WS