"Qara bazar”da dolların satış qiyməti 1,93 manata qalxıb.

BAKU.WS "Marja”ya istinadən xəbər verir ki, alverçilər dolları 1,90 manatdan alıb, 1,93 manatdan satırlar.

"Dünən hərracda dollar bahalaşmamışdan əvvəl "qara bazar”da dollar 1,92 manata satılırdı.

Hökumət "qara bazar”a qarşı mübarizəni gücləndirib. İndi qanunsuz valyuta ticarətçiləri əvvəlki kimi rahat fəaliyyət göstərə bilmirlər. Bu səbəbdən də dolların "qara bazar”da qiyməti qalxır.

Artıq qanunsuz valyuta bazarında dollar Azərbaycan Mərkəzi Bankının (AMB) rəsmi məzənnəsindən təxminən 10% baha satılır.

Banklar dollar satışını tam dayandırıblar. Əhali ehtiyacı olan dolları ala bilmir”, - deyə "Marja” yazıb.
 
BAKU.WS