Ukrayna FPV dronlar daşıyan pilotsuz katerini təqdim edib

Ukraynada "Magura V7" adlı yeni nəsil pilotsuz katerin görüntüləri yayılıb.

BAKU.WS xəbər verir ki, bu kater eyni anda altı FPV tipli dron daşımaq imkanına malikdir.

Yayılan fotoda katerin üzərində FPV kvadrokopterlər üçün nəzərdə tutulmuş altı konteyner görünür.

Ehtimal edilir ki, bu qurğu yalnız daşıyıcı rolunu oynamır, eyni zamanda dronların uzaq məsafələrdə istifadəsini təmin edən retranslyator funksiyasını da yerinə yetirə bilər.

Bununla yanaşı, daha əvvəl Ukraynaya məxsus oxşar pilotsuz katerlərin texniki xüsusiyyətləri ilə bağlı məlumatlar da açıqlanmışdı. Bildirilirdi ki, belə qurğular 400 kilometrə qədər məsafə qət edə və 150 kiloqrama qədər partlayıcı yük daşıya bilir.