Türkiyədən Moskvaya uçan üç sərnişin təyyarəsi geri döndü - SƏBƏB...

Türkiyədən Moskvaya uçan üç sərnişin təyyarəsi Litva üzərindən geri dönüb.

BAKU.WS "TASS"a istinadən xəbər verir ki, buna səbəb Vnukovo hava limanında tətbiq olunan məhdudiyyətlərdir.

"İzmir, Antalya və İstanbuldan Moskva hava limanına uçan reyslər Litva hava məkanında geri dönüb", - deyə agentliyin məlumatında qeyd edilib.

Federal Hava Nəqliyyatı Agentliyi uçuş təhlükəsizliyini təmin etmək üçün Vnukovo hava limanına təyyarələrin gəlişi və yola düşməsinə müvəqqəti məhdudiyyətlər tətbiq edildiyini bildirib.

Nəticədə, hər üç təyyarə İstanbulun Sabiha Gökçen Beynəlxalq Hava Limanına eniş edib.

Onların Rusiya paytaxtına geri dönüş reysi açıqlanmayıb.

Vnukovo Hava Limanı hazırda müvafiq orqanlarla əlaqələndirilmiş şəkildə uçuşları həyata keçirir.