Türkiyədə yaşayış binasının uçması ilə əlaqədar 4 nəfər saxlanıldı

Türkiyənin Konya şəhərində yaşayış binasının uçmasında təqsirləndirilən 4 şəxs saxlanılıb.

BAKU.WS xəbər verir ki, bu barədə prokurorluq məlumat yayıb.

Dağıntılar altında qalan 5 nəfərdən 3-ü sağ xilas edilib, digər 2 nəfərin axtarış-xilasetmə işləri isə davam etdirilir.

Xatırladaq ki, ötən gecə Türkiyədə, Konyanın Səlcuqlu rayonu Səlcuq məhəlləsindəki Beyşehir küçəsində 4 mərtəbəli bina naməlum səbəbdən uçub.

Dağıntılar altında qalan şəxsləri xilas etmək üçün axtarış-xilasetmə qrupları əraziyə cəlb edilib.