Şimali Kiprdə sərnişin gəmisi batıb: 7 ölü, 237 nəfər xilas edilib

Şimali Kiprin Girnə şəhəri sahillərində sərnişin gəmisinin batması nəticəsində azı 7 nəfər həyatını itirib, 237 nəfər isə xilas edilib.

BAKU.WS xəbər verir ki, bu barədə Şimali Kiprin Baş naziri Ünal Üstel məlumat verib.

Hadisədən sonra ərazidə genişmiqyaslı axtarış-xilasetmə əməliyyatına başlanılıb. Hazırda daha 23 nəfərin tapılması və xilas edilməsi istiqamətində işlər davam etdirilir.

Xilasedici qruplar dənizdə itkin düşən şəxslərin axtarışını davam etdirir.