Putin: Ukrayna ilə sülh gec-tez baş verəcək

Rusiya prezidenti Vladimir Putin bildirib ki, Ukrayna ilə barışıq labüddür və bu, sadəcə zaman məsələsidir.

O, bu fikirləri "Rossiya" telekanalında yayımlanan "Moskva. Kreml. Putin.25" proqramına verdiyi müsahibə zamanı səsləndirib.

Putin qeyd edib ki, bütün yaşanan faciələrə baxmayaraq, tərəflər gec-tez sülh masasına oturmalı olacaqlar:

"Fikrimcə, baş verən acı hadisələrə baxmayaraq, barışıq qaçınılmazdır. Bu, sadəcə vaxt məsələsidir", – deyə Kremlin rəhbəri vurğulayıb.