Moskvanın bir rayonunda quduzluq yayıldı - Karantinə aldılar

Moskvanın Şukino rayonunda ev heyvanlarında quduzluq aşkar edilib və karantin tətbiq olunub.

BAKU.WS xəbər verir ki, bu barədə Moskva meri və hökumətinin saytında dərc olunmuş məlumatda bildirilib.

Bildirilib ki, xəstəlik 17 noyabr tarixində, Qamaleya küçəsi, bina 1, ev 19 ünvanında yerləşən mənzildə aşkar edilib. Epizootik epidemiyanın bitişik ərazisi (mənzil) və Novoşukinskaya, Marşal Novikova, Maksimova, Roqova, Jivopisnaya küçələri, Sobolevski çayının kanalları və Moskva çayı ilə əhatə olunmuş ərazi Stroginski körpüsü ilə kəsişməyə qədər qaynar nöqtə elan edilib.

Məhdudlaşdırıcı tədbirlər (karantin) 17 yanvar 2026-cı ilə qədər qüvvədə olacaq.